Azadsöz.az xəbər verir ki, ABŞ-nin Kaliforniya əyalətinin cənubunda “Hilari” qasırğası daşqınlarla nəticələnən şiddətli yağışlara səbəb olub.
Əlverişsiz hava şəraiti ABŞ-nin xüsusən San-Dieqo aeroportunda və Nevada ştatındakı Harri Rida aeroportunda mindən çox aviareysin ləğv edilməsinə səbəb olub. Təxminən 5 min reysdə isə gecikmələr olub.
Meksikanın Santa-Rosaliya şəhərində isə ən azı bir nəfər təbii fəlakətin qurbanı olub. O avtomobilin su axınına çevrilməsi nəticəsində həlak olub.
Qasırğa nəticəsində ölkənin bir çox hissəsində elektrik naqilləri kəsilib, ağaclar aşıb.
ABŞ-nin Kaliforniya və Nevada ştatlarında qasırğa ilə əlaqədar fövqəladə vəziyyət elan olunub.