“Azadsöz.az” 03.07.2023 cü il tarixindən 09.07.2023-cü il tarixinə kimi Göyçay rayonunun mərkəzi və kəndləri üzrə görülən işlərin həftəlik icmalını təqdim edir:
Azadsöz.az xəbər verir ki, 8 iyul 2023-cü il tarixdə rayon İcra Hakimiyyətinin başçısının Qaraməryəm, Çaxırlı və Məlikkənd kənd inzibati ərazi dairələri üzrə nümayəndəliklərinin ərazisində elektrik xətlərinin ətrafında yaşıl budama işləri aparılıb.
Göyçay Elektrik Şəbəkəsi tərəfindən elektrik xətlərinin üzərinə düşən ağacların budaqlarında yaşıl budama işləri, həmçinin həmin ərazilərdən keçən yüksək gərginlikli elektrik xətlərinin mühafizə zonası xüsusi texnika vasitəsilə şumlanaraq elektrik enerjisi ilə təminatın dayanıqlı olmasını və yanğın hadisələrinin qarşısının alınması istiqamətində tədbirlər görülüb.
Azadsöz.az xəbər verir ki, 7 iyul 2023-cü il tarixdə rayonun Qarabaqqal kəndində 800 metr məsafədə yararsız vəziyyətdə olan D=225 mm ölçüdə magistral su xətti Göyçay Sukanal Sahəsi tərəfindən dəyişdirilərək yenisi ilə əvəz olunub.
Qeyd edək ki, cari dövr ərzində sakinlərin içməli su ilə təminatının yaxşılaşdırılması məqsədilə rayonun İnçə, Hacalıkənd, Ləkçılpaq, Şəhadət, Çərəkə, Qaraməryəm və Üngütlü kəndlərində istismar müddəti bitmiş su artezian qurğuları, borular, ayırıcılar dəyişdirilərək yeniləri ilə əvəz edilmiş, su xəttlərində baş vermiş sızmalar aradan qaldırılaraq bərpa işləri görülmüşdür (xəbər geniş formada həftə içidə paylaşılıb).
Azadsöz.az xəbər verir ki, 7 iyul 2023-cü il tarixdə rayon icra hakimiyyəti başçısının Göyçay şəhər inzibati ərazi dairəsi üzrə nümayəndəliyi tərəfindən lil və çöküntülərlə dolmuş şəhərin Heydər Əliyev prospekti, Füzuli, R.Rza, 28 may, Xətai küçələrindən keçən suvarma arxı və borular texnika vasitəsilə təmizlənərək suyun ötürücülük qabiliyyəti artırılmışdır.Şəhər ərazisindən keçən suvarma arxları gündəlik tərtib edilmiş qrafikə uyğun olaraq lil və çöknütlərdən təmizlənir.(xəbər geniş formada həftə içidə paylaşılıb).
Azadsöz.az xəbər verir ki, Göyçay rayon İcra Hakimiyyəti başçısının tapşırıq və tövsiyələrinə əsasən Göyçay şəhər inzibati ərazi dairəsi üzrə nümayəndəliyinin təşkilatçılığı ilə piyadaların axşam saatlarında təhlükəsiz hərəkətini təmin etmək və sakinlərin asudə vaxtlarını parklarda rahat istirahət edərək gəzmələri üçün işıqlandırma işlərinin yenilənməsi davam etdirilir.
Belə ki, 7 iyul 2023-cü il tarixində Göyçay şəhər Əli Kərim parkında elektrik dirəklərində təmir-bərpa işləri aparılıb, elektrik lampaları yenilənib.
Qeyd edək ki, mərhələli şəkildə rayonun prospekt və küçələrində elektrik dirəklərində təmir-bərpa işləri və elektrik lampalarının yenilənməsi işləri aparılır (xəbər geniş formada həftə içidə paylaşılıb).
Azadsöz.az xəbər verir ki, 6 iyul 2023-cü il tarixdə rayon İcra Hakimiyyəti başçısının Çərəkə, Kürdşaban, Çaxırlı və Yalman kənd inzibati ərazi dairələri üzrə nümayəndəliklərin təşkilatçılığı ilə kəndin daxili yollarının kənarları və təbii qaz xətlərinin üzəri kol-kosdan, alaq otlarında təmizlənərək abadlıq işləri aparılıb .
Azadsöz.az xəbər verir ki, 6 iyul 2023-cü il tarixdə rayonun Alıkənd, Qarabaqqal və Müskürlü kəndlərinin torpaq sahələrinin suvarma suyu ilə təminatının yaxşılaşdırılması məqsədilə rayon Suvarma Sistemləri İdarəsinin texnikası vasitəsilə suvarma arxları lil və çöküntülərdən, kol-kosdan təmizlənərək suyun ötürücülük qabiliyyəti artırılıb.
Azadsöz.az xəbər verir ki, 6 iyul 2023-cü il tarixdə Göyçay rayon İcra Hakimiyyətinin başçısı Natiq Ağayev Qarabaqqal kəndində səyyar qəbul keçirilib.
Qəbulda rayon İcra Hakimiyyətinin başçısı Natiq Ağayev, RİH başçısı aparatının məsul şəxsləri, idarə, müəssisə, təşkilat rəhbərləri və kənd sakinləri iştirak ediblər.
Qəbulda vətəndaşların müraciətlərində qaldırılan məsələlərin bir qisminin həllinə yerindəcə köməklik göstərilib, araşdırılmasına ehtiyac olan digər məsələlərin həlli aidyyəti üzrə müəssisə və təşkilat rəhbərlərinə tapşırılaraq nəzarətə götürülüb (xəbər geniş formada həftə içidə paylaşılıb).
Azadsöz.az xəbər verir ki, Azərbaycan Respublikası Prezidentinin 2003-cü il 23 oktyabr 972 nömrəli Fərmanı ilə təsdiq edilmiş “Dövlət və bələdiyyə mülkiyyətinə aid olan torpaqların mülkiyyətə və icarəyə verilməsi ilə bağlı torpaq müsabiqələrinin və hərraclarının keçirilməsi Qaydaları”na əsasən Əmlak Məsələləri Dövlət Xidmətinin Ucar ərazi şöbəsində 06 iyul 2023-cü il tarixdə saat 15:00-da torpaq müsabiqə və hərrac komissiyasının növbəti iclası keçirilib.
Azadsöz.az xəbər verir ki, Mərkəzi Aran Regional Təhsil İdarəsinin tabeliyində fəaliyyət göstərən rayonun 6 müəssisəsində cari təmir işlərinə başlanılıb.
![](https://azadsoz.az/wp-content/uploads/2023/07/358415243_579658861018015_7976860928045437036_n-280x300.jpg)
Azadsöz.az xəbər verir ki, 4 iyul 2023-cü il tarixdə vətəndaşların qəbulu qrafikinə uyğun olaraq Göyçay rayon İcra Hakimiyyətinin başçısı Natiq Ağayevin sədrliyi ilə rayon icra hakimiyyətinin inzibati binasında vətəndaşların növbəti qəbulu keçirilib.
Qəbulda rayon İcra Hakimiyyəti başçısı Natiq Ağayev, başçının müavinləri, aparatın şöbə müdirləri, rayon Polis Şöbəsinin, aidiyyəti idarə, müəssisə və təşkilatların nümayəndələri iştirak edib.
İcra Hakimiyyətinin səlahiyyətləri daxilində olan məsələlərin həlli üçün yerində tapşırıq verilib, İcra Hakimiyyətinin səlahiyyətləri daxilində olmayan məsələlər isə aidiyyəti qurumların yerli nümayəndələrinə tapşırıq verilibdir (xəbər geniş formada həftə içidə paylaşılıb).
.
![](https://azadsoz.az/wp-content/uploads/2023/07/358160420_1012399069933045_6911328589371512758_n-300x242.jpg)
.
![](https://azadsoz.az/wp-content/uploads/2023/07/a0d63ff1362df0971c240cdb767a0fd8-1-300x225.jpg)
Azadsöz.az xəbər verir ki, Göyçay şəhərinin küçələrində vətəndaşların rahat gediş-gəlişinin təmin olunması məqsədilə piyada səkilərinin yenidən qurulması işləri aparılır.
Qeyd edək ki, bu günədək şəhərin Heydər Əliyev prospekti, M.Ə.Rəsulzadə, Füzuli, M.Muradov və R.Rza küçələrində piyada səkilərinin yenidən qurulması işləri tamamlanmışdır.
Xatırladaq ki, işlərin keyfiyyətlə həyata keçirilməsi nəzarətdə saxlanılır (xəbər geniş formada həftə içidə paylaşılıb). .
![](https://azadsoz.az/wp-content/uploads/2023/07/358017531_578436377806930_4088446682888296415_n-1-300x212.jpg)
Azadsöz.az xəbər verir ki,
rayon İcra Hakimiyyəti başçısının Bığır və Çərəkə kənd inzibati ərazi dairələri üzrə nümayəndəliklərinin təşkilatçılığı və vətəndaşların dəstəyi ilə kəndlərin ərazisində mövcud olan qəbiristanlıqlarda təmizlik işləri aparılıb.
Gülşən Muradova
Səbuhi Eltonlu