“Azadsöz.az” Göyçay rayonunun Potu kənd sakini I Qarabağ müharibəsində şəhid olmuş Məmmədov Niyaz Məhəmməd oğlunun qardaşı Məmmədov Ayaz Məhəmməd oğlunun müraciətini sizlərə təqdim edir:
“Mən Məmmədov Ayaz Məhəmməd oğlu 1971-ci ildə Göyçay rayonunun Potu kəndində anadan olmuşam.Valideynlərim vəfat edib. Ailədə doqquz qardaş olmuşuq.Qardaşlarım uzun sürən xəstəlikdən vəfat edib.Hal-hazırda bir qardaşım sağdır. Bildirim ki, qardaşımlardan biri 1973-cü ildə anadan olan Məmmədov Niyaz Məhəmməd oğlu 1994-cü ilin fevralında Kəlbəcər uğurunda gedən döyüşlərdə şəhid olmuşdur.Özümdə şəhid qardaşı olduğum üçün 44 günlük Vətən müharibəsində iştirak etmək üçün könüllü olaraq adımı yazdırmışdım.Amma, yaşımla əlaqədar aparmadılar.
Müraciətimdə qeyd etmək istəyirəm ki, yoldaşımın qohumlarının müdaxiləsi nəticəsində 2020-ci ildə ailəmdən ayrılmışam.Həmin vaxtdan ehtibarən yaşadığım evi həyat yoldaşıma və qızıma verərək kənarlaşmışam.Bəzi şəxslər isə Göyçay rayon İcra Hakimiyyətinə yaladan bildiriblər mən evimi satmışam.Bu yalan məlumatdı.Yuxarıda qeyd etdiyim ki, ailəmdən ayrılandan sonra evimi həyat yoldaşıma və qızıma vermişəm.Ailəmdən ayrılandan sonra ikinci dəfə ailə həyatı qurdum.
Hər kəsə bu müraciətimlə üz tutaraq bildirmək istəyirəm ki, ikinci evliliyim olan həyat yoldaşımla birgə kirayədə çox acınacaqlı vəziyyətdə padval kimi bir yerdə qalıram.Özümüzə aid olan heç nə yoxdur.Üç aya yaxındır ki, kirayə pulunu ödəyə bilmirəm. Əlli iki yaşım var. Namaz qılıram. Heç bir yerdə də çalışmıram. Qapısın döymədiyim idarə, müəssə və özəl iş yerlərinin qapısı qalmayıb.Qeyd edim ki, otuz ilə yaxın Göyçay Mədəniyyət Evində və Göyçay rayonunun Potu kəndində mədəniyyət sahəsi üzrə təşkilatçı vəzifəsində işləmişəm.2021-ci il tarixində məzuniyyətdə olduğum zaman məni işdən azad ediblər və mənə aid olan iş vakansiyamı digər bir şəxsə satıblar.
Göyçay rayonunun Potu kənd bələdiyyəsi tərəfindən mənə Hüngütlü kəndinin ərazisindən 5 sot həyətyanı torpaq payı verilib. Ancaq heç bir yerdə işləmədiyim üçün mənə verilən həmin torpaq payında 1 otaqdan ibarət ev tikə bilmirəm.Xahis edirəm mənə kömək edin. Kimin gücün çatırsa mənə maddi yardım, köhnə tikinti materialları olan şəxslərdən isə tikinti üçün material istəyirəm. Bir otaq tikim kirayələrdən canım qutarsın. Hər kəsdən xahiş edirəm mənim səsimə səs verin məni bu çətinlikdən qutarın. Qeyd etdiyim kimi işsizəm, torpağım olsa da imkanın yoxdur mənə verilən torpaqda ev tikəm. Bir şəhid qardaşı, bir Azərbaycan vətəndaşı olaraq mənə kömək edin.Artıq boğuluram bu çətinliklərə tab gətirə bilmirəm”.
Məmmədov Ayaz Məhəmməd oğlunun əlaqə nömrəsi: (051) 502-97-53
