Xəbər verdiyimiz kimi Vətən müharibəsi zamanı sağlamlıq imkanlarını itirən qazilərimizin sosial rifahının yaxşılaşdırılmasına görə, Göyçay Rayon İcra Hakimiyyəti tərəfindən onlar üçün Göyçay şəhər Əli Kərim Parkında iaşə obyektlərinin tikilməsinə göstəriş verilmişdir.
Azadsöz.az xəbər verir ki, verilmiş göstərişə əsasən parkda iaşə obyektlərinin tikilməsi üçün ayrılmış əraziyə Göyçay Rayon İcra Hakimiyyəti yanında Şəhər Təsərrüfatı Birliyinin Abadlaşdırma Təmir və Mənzil İstismar İdarəsinin işçi kollektivi cəlb olunaraq tikinti işlərinə başlanmışdır.
Bildirək ki, tikilməsinə başlanan iaşə obyektlərində hörgü işləri artıq başa çatıb.Dam örtükləri vurulub, elektrik xətləri çəkilib.Görülən işlər çərçivəsində iaşə obyektlərinin tam olaraq istifadəyə verilməsi üçün digər işlərində görülməsi nəzərə alınıb.
Qeyd edək ki, tezliklə iaşə obyektləri Vətən müharibəsi iştirakçılarının ixtiyarına veriləcək.
