Azadsöz.az xəbər verir ki, 17 may 2023-cü il tarixində Göyçay rayonunun Natavan küçəsində təmizlik, səliqə-sahman işləri aparılıb.
Göyçay Rayon İcra Hakimiyyəti yanında Şəhər Təsərrüfatı Birliyinin Sanitar-Təmizlik , Abadlaşdırma Təmir İdarəsinin işçi birqadası və texnikası əraziyə cəlb olunub.Küçə daş və digər tullantı parçalarından, plastik qablardan, alaq otlarından təmizlənib, təmizlik maşınına yığılaraq ərazidən daşınıb.
Bununla yanaşı qurumuş ot örtüyü biçilərək sahmana salınıb. Görülən işlər çərçivəsində küçənin qarğı ilə tutulan hissəsi qarğıdan təmizlənərək səliqəyə salınıb.
Qeyd edək ki, ekoloji tarazlığın qorunması, eyni zamanda təbiətə qayğı hissinin güclənməsi baxımından rayonda təmizlik işləri gündəlik olaraq aparılır.