Azadsöz.az xəbər verir ki, Azərbaycan Respublikasının Gənclər və İdman Nazirliyi, Azərbaycan Respublikasının Müdafiə Nazirliyi, Azərbaycan Respublikasının Elm və Təhsil Nazirliyi, Azərbaycan Respublikasının Fövqəladə Hallar Nazirliyi, Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin birgə təsdiqlədiyi Əsasnaməyə uyğun olaraq, 27 aprel 2023-cü il tarixdə Göyçay rayonunda “Şahin” hərbi idman oyunu üzrə zona yarışı keçirildi
İlk öncə Azərbaycan Respublikasının Dövlət Himni səsləndirilib. Daha sonra Vətənin azadlığı və ərazi bütövlüyü uğrunda həlak olmuş şəhidlərin ruhu bir dəqiqəlik sükutla yad edildi.
Zona yarışında Mərkəzi Aran İqtisadi rayonu üzrə Mingəçevir şəhəri, Ağdaş, Kürdəmir, Ucar, Yevlax və Zərdab rayonları, Dağlıq Şirvan iqtisadi rayonu üzrə Ağsu, İsmayıllı, Qobustan və Şamaxı rayonları, Şəki şəhəri iştirak edib.
Qeyd edək ki, “Şahin” hərbi idman oyunun zona yarışında gərgin mübarizədən yekun nəticə olaraq İsmayıllı rayon komandası I-ci yeri tutaraq finala vəsiqə qazanıb.II-ci yerə Zərdab rayonunun, III-cü yerə isə Yevlax rayonunun komandaları layiq görülüblər.
