Azadsöz.az xəbər verir ki, “Barselona” və “Real”ın rəhbərliyi arasında aprelin 5-də keçiriləcək “El-Klassiko” öncəsi ənənəvi şam yeməyi baş tutmayacaq.
Bu barədə “Diario Sport” məlumat yayıb. Belə bir qərarı Kataloniya klubunun prezidenti Joan Laportanın başçılıq etdiyi Direktorlar Şurası qərar verib. Kublar arasında münasibətlər kəskin şəkildə pisləşib. Bu, “Real”ın əvvəllər İspaniya Futbol Federasiyasının Hakimlər Texniki Komitəsinin vitse-prezidenti vəzifəsində çalışmış Xose Mariya Enrikes Neqreyraya rüşvət ödənilməsi bağlı mümkün korrupsiya işindəki mövqeyi ilə bağlıdır.
Eyni zamanda, klublar arasında münasibətlərin kəskinləşməsinə baxmayaraq, Avropa Superliqası kimi ümumi məsələlərdə birgə işlərin davam etdiriləcəyi qeyd edilir. Yay zamanı mövsümlərarası fasilədə yoldaşlıq görüşünün keçirilməsi məsələsi də müzakirə olunur.
“Barselona” və “Real” araında İspaniya kubokunun yarımfinalının cavab oyunu aprelin 5-də keçiriləcək. İlk matç “Barselona”nın 1:0 hesablı qələbəsi ilə başa çatıb.