Azadsöz.az xəbər verir ki, Meyvəçilik və Çayçılıq Elmi-Tədqiqat İnstitutunun Göyçay dayaq məntəqəsində yaradılan istixanada mövsümə uyğun olaraq yetişdirilən və alınan çiçəklər və dekorativ güllər növbəti dəfə rayonda ayrılmış yaşıllıq sahələrinə əkilməsi işləri aparılıb.
Göyçay Rayon İcra Hakimiyyəti yanında Şəhər Təsərrüfatı Birliyinin Abadlaşdırma Təmir Şöbəsinin işçi kollektivi tərəfindən ilkin olaraq qeyd olunan müxtəlif növ güllər və çiçəklər Heydər Əliyev prospektində yerləşən Göyçay Rayon Heydər Əliyev Mərkəzinin qarşısına daha sonra M.Ə.Rəsulzadə küçəsində yerləşən Göyçay Rayon İcra Hakimiyyətinin qarşısında salınmış yaşıllıq hissəsinə əkilib, aqrotexniki qulluq göstərilib.
Qeyd edək ki, istixanada yetişdirilən çiçəklər və dekorativ güllər növbəliklə rayonda müəyyən olunmuş yaşıllıqlara əkilməsi nəzərdə tutulub.
