Azadsöz.az xəbər verir ki, Göyçay Rayon İcra Hakimiyyəti yanında Şəhər Təsərrüfatı Birliyinin Abadlaşdırma Təmir Şöbəsinin işçi kollektivi tərəfindən Göyçay Heydər Əliyev Parkında növbəti işlər görülüb.
Xəbər verdiyimiz kimi Göyçay rayon İcra Hakimiyyətinin başçısı Natiq Ağayevin göstərişi ilə Meyvəçilik və Çayçılıq Elmi-Tədqiqat İnstitutunun Göyçay dayaq məntəqəsində yaradılan istixanada mövsümə uyğun olaraq yetişdirilən çiçəklərin və dekorativ güllərin mərhələli şəkildə rayonda ayrılmış yaşıllıq sahələrinə əkilməsi işləri aparılır.
Göyçay Rayon İcra Hakimiyyəti yanında Şəhər Təsərrüfatı Birliyinin Abadlaşdırma Təmir Şöbəsinin işçiləri 27 mart tarixində dekorativ kələm gülü Göyçay Heydər Əliyev Parkına gətirilərək müəyyən edilmiş yerlərə əkilərək, suvarılıb.
Qeyd edək ki, Abadlaşdırma Təmir Şöbəsi tərəfindən Meyvəçilik və Çayçılıq Elmi-Tədqiqat İnstitutunun Göyçay dayaq məntəqəsinin istixanasında yetişdirilən müxtəlif növ güllərin növbəliklə rayonda müəyyən olunmuş yaşıllıq yerlərinə əkilməsi nəzərdə tutulub.
