Azadsöz.az xəbər verir ki, Göyçay rayon İcra Hakimiyyətinin başçısı Natiq Ağayevin tapşırıq və tövsiyələrinə əsasən Cəyirli kənd inzibati ərazi dairəsi üzrə nümayəndəliyi tərəfindən Göyçay-Bərgüşad avtomobil yolunun Cəyirli kəndi ərazisindən keçən hissəsi məişət və digər tullantı parçalarından təmizlənib, asfalt örtüyü su maşını vasitəsi ilə yuyulub.
Rayon ərazisindən keçən respublika əhəmiyyətli avtomagistralların kənarları qurumuş otlardan təmizlənib, yeni ting ağacları əkilib.Cəyirli kənd ərazisində yerləşən “Dostluq Parkında” müxtəlif növ güllər əkilib. Bununla yanaşı əkilən ağac və güllərə qulluq göstərilib.
Bütün sakinləri ətraf mühitə qarşı diqqətli olmağa, abadlıq işlərindən sonra ərazinin təmiz saxlanılmasına, arxlara məişət tullantılarının atılmamasına xüsusi diqqətlə yanaşmaları tövsiyə olunur.