Azadsöz.az xəbər verir ki, Göyçay Rayon İcra Hakimiyyətinin tapşırıq və göstərişinə əsasən rayonun Çaxırlı kəndində abadlıq-quruculuq işləri aparılıb.
Təhsil Nazirliyinin müvafiq göstərişinə uyğun olaraq əsaslı təmir olunan, 130 şagird üçün nəzərdə tutulan Çaxırlı kənd ümumi orta məktəbin ərazisində yerləşən stadionun torpaq örtüyü texnika vasitəsilə şumlanaraq hamarlanıb.Bununla yanaşı məktəbin həyətində şəhidlərin xatirəsinə inşa edilmiş bulaq kompleksi yenidən əsaslı təmir olunub.
Çaxırlı kənd magistral yol idarəsinin balansında olan yolun sağ və sol hissəsi quru ot, məişət tullantıları və kol-kosdan təmizlənərək, qış aylarında həm nəqliyyat vasitələrinin, həm də piyadların rahat şəkildə gediş-gəlişinin təmin etmək üçün yola çınqıl döşənib.Bununla yanaşı kəndin yol kənarlarında olan 10 kv-luq elektrik dirəkləri rənglənərək, səliqəyə salınıb.
Qeyd edək Göyçay rayonunun küçələrində və kəndlərində abadlıq- quruculuq işləri mərhələli şəkildə aparılır.