Azadsöz.az xəbər verir ki, 15 iyun 2022-ci il tarixində Göyçayda “15 İyun – Milli Qurtuluş Günü” münasibətilə bayram tədbiri keçirilib. Tədbirdə rayon İcra Hakimiyyətinin başçısı səlahiyyətlərini müvəqqəti icra edən İkram Vəliyev, RİH başçısı aparatının əməkdaşları, hüquq-mühafizə orqanlarının, idarə, müəsssisə, təşkilatların rəhbərləri, şəhid ailəri, müharibə iştirakçıları və rayon ictimaiyyət nümayəndələri iştirakı ediblər.
Tədbir iştirakçıları əvvəlcə ulu öndər Heydər Əliyevin abidəsini ziyarət edərək önünə gül-çiçək dəstələri düzüblər.
Mərasimdə rayon İcra Hakimiyyətinin başçısı səlahiyyətlərini müvəqqəti icra edən İkram Vəliyev çıxış edərək tədbir iştirakçılarını əlamətdar gün münasibətilə təbrik edib.Bildirib ki, xilaskarlıq missiyasını öz üzərinə götürən, həyatını təhlükələrə məruz qoyan ümum milli lider Heydər Əliyev xalqın təkidli tələbi ilə 1993-cü il iyunun 15-də Naxçıvandan Bakıya qayıdaraq Milli Qurtuluş tariximizin başlanğıcını yazıb. Müzəffər Ali Baş Komandan, Prezident İlham Əliyevin rəhbərliyi ilə 44 günlük Vətən müharibəsində torpaqlarımızın işğaldan azad edilməsi tariximizə qızıl hərflərlə yazıldı.Hazırda qarşıda duran əsas vəzifə işğaldan azad olunmuş torpaqlarımızın bərpası, quruculuq işlərinin sürətlə həyat keçirildiyini tədbir iştirakçılarının diqqətinə çatdırıb.
Daha sonra YAP Göyçay rayon təşkilatının sədri Sahib Şükürov çıxış edərək Milli Qurtuluş Gününün Azərbaycan xalqı üçün sadəcə təqvim bayramı deyil, böyük ictimai, siyasi və tarixi əhəmiyyətə malik bir gün olduğunu vurğulayıb . Bu gün ulu öndər Heydər Əliyevin davamçısı olan Prezident İlham Əliyevin uğurlu daxili və xarici siyasəti nəticəsində Azərbaycanın dünyanın inkişaf edən, nüfuzlu dövlətə çevrildiyini qeyd edib.S.Şükürov çıxışının sonunda YAP-a üzv olmuş gənclərə partiya vəsiqələrini təqdim edib.
Sonra tədbir konsert proqramı ilə davam edib.
