Azadsöz.az xəbər verir ki, 11 iyunda Göyçay rayonunun Əli Kərim parkında yerləşən Uşaq Əyləncə Mərkəzinin elektrik naqillərində yanğın olub.
Hadisə yerinə FHN-nin Göyçay Dövlət Yanğından Mühafizə Hissəsinin 2 yanğınsöndürən maşını və canlı qüvvəsi, “Azərişıq” Açıq Səhmdar Cəmiyyətinin Göyçay Elektrik Şəbəkəsinin əməkdaşları əraziyə cəlb olunub və yanğının qarşısı alınıb.
İlkin məlumata görə, yanğın Uşaq Əyləncə Mərkəzində fəaliyyət göstərən atraksionların enerji təchizatı şəbəkəsinə həddən artıq qoşulması və elektrik naqillərinin yüklənməsi nəticəsində baş verib.
