Azadsöz.az xəbər verir ki, Gənclərin İnkişaf və Karyera Mərkəzinin Göyçay nümayəndəliyi həvəskar fotoqraf gəncləri üçün 10.10.2021-tarixə kimi “Könüllü fotoqraf” adlı fotomüsabiqə elan edir. Müsabiqədə yalnız 18-29 yaş arası Göyçay gəncləri iştirak edə bilərlər. Müsabiqədə iştirak etmək istəyən gənclər Göyçayın müxtəlif məkanlarından çəkdikləri fotoları ad, soyad və əlaqə nömrələrini qeyd etməklə (goycay@gikm.az) email poçtuna göndərə bilərlər.
Qeyd edək ki, müsabiqə üç gün davam edəcək. Göyçay Gəncləri İnkişaf Mərkəzinin email poçtuna gələn fotolar göstərilən qaydalara uyğun şəkildə seçilərək, sözügedən mərkəzin İnstaqram səhifəsində paylaşılacaq və səsverməyə qoyulacaq. Ən çox səs toplayan fotonun sahibi qalib elan olunaraq, sertifikat və hədiyyə ilə mükafatlandırılacaq.
Müsabiqənin şərtləri aşağıdakı kimidir:
Müsabiqəyə yalnız öz mobil telefonunuz və ya fotoaparatla çəkdiyiniz fotolarla qatılmaq mümkündür.
Fotolar şəhərimizin müxtəlif məkanları və gündəlik həyat tərzini əks etdirməlidir.
İnternetdən götürülən fotolardan istifadə etmək qəti qadağandır.
Hər iştirakçı yalnız bir foto ilə qoşula bilər.
Müsabiqədə iştirak edən gənclər səhifəni izləməlidir.
Müsabiqəyə yalnız 18-29 yaş arası GöyçayGəncləri qatıla bilər.