Göyçayda Azərbaycan Nar İstehsalçıları və İxracatçıları Assosiasiyasının VII-ci yığıncağı keçirildi-FOTOLAR

Azadsöz.az xəbər verir ki, bu gün Göyçayda Heydər Əliyev Mərkəzində Azərbaycan Nar İstehsalçıları və İxracatçıları Assosiasiyasının (ANİİA) 2020-ci ilin yekunları, 2021-ci il mövsüm ili ilə bağlı qarşıda duran məsələlərin müzakirəsinə həsr edilmiş VII- ci yığıncağı  keçirilib.

Tədbirdə Azərbaycan Nar İstehsalçıları və İxracatçıları Assosiasiyasının (ANİİA)  sədri  Fərhad Qaraşov, Göyçay rayon İcra Hakimiyyətinin, Göyçay rayon Dövlət Aqrar İnkişaf Mərkəzinin, Azərbaycan Respublikasının Kənd Təsərrüfatı Nazirliyinin Fermerlər,  Assosiasiyalar və Kooperativlərlə iş şöbəsinin, Azərbaycan Respublikasının Kiçik və Orta Biznesin İnkişafi Agentliyinin nümayəndələri və Narçı Fermerlər  iştirak  ediblər.İştirakçıları ilk öncə  Göyçay şəhidlər xiyabanını ziyarət edərək, şəhidlərin məzarları üzərinə tər qərənfillər düzüblər. Sonra Göyçay şəhər Heydər Əliyev parkında Ümummilli lider Heydər Əliyevin abidəsini ziyarət edərək, üzərinə gül dəstələri düzüb və xatirəsini etiramla yad ediblər.

Heydər Əliyev Mərkəzində  davam  edən tədbirdə, Vətən uğrunda canlarından keçən şəhidlərimizin ruhu bir dəqiqəlik sükutla yad edilib.ANİİA-nın VII-ci yığıncağında 2020-ci ilin yekunları, 2021-ci il mövsüm ili ilə bağlı qarşıda duran məsələlər geniş müzakirə olunub. Assosiasiyanın sədri Fərhad Qaraşov iştirakçılara 2020-ci il ərzində görülən işlər, qazanılan nailiyyətlər barədə ətraflı məlumat verib.  O, assosiasiya üzvlərini sayı, onların yerli və beynəlxalq sərgilərdə iştirakı və  həyata keçirilən sosial layihələr barədə danışıb.

Yığıncaqda iştirak  edən  digər qonaqlar assosiasiyanın fəaliyyətini yüksək qiymətləndirib, fəaliyyətinin təkmilləşdirilməsi, dövlət və özəl təşkilatlarla assosiasiyalar arasında koordinasiyanın təmin edilməsi istiqamətində fikirlərini bildiriblər.Narçılığın geniş yayıldığı aran iqtisadi rayonlarında bu sahə ilə məşğul olan icmaların rifahının artırılması, yüksək keyfiyyətli məhsulların bazara nüfuz etməsinə şərait yaratmaq olduğunu  bildiriblər.

Tədbirin  sonunda Göyçaydan, Aran rayonlarından iştirak  edən  fermerlərin tələb, təklif və  şikayətləri dinlənilib.Dövlət  nümayəndələri  tərəfindən narçılıqda olan mövcud  vəziyyət müzakirə  edilib.