Azadsöz.az xəbər verir ki, bu gün müğənni, xanəndə, Azərbaycan Respublikasının xalq artisti Teymur Ağaxan oğlu Mustafayevin ildönümüdür.Teymur Mustafayev 10 aprel 1939-cu ildə Cəlilabad rayonunda anadan olub.Azərbaycan Dövlət Musiqi Məktəbində təhsil alıb.Sənət müəllimləri Seyid Şuşinski, Əhməd Bakıxanov olub.Sonra Xalq artisti təhsilini Azərbaycan Dövlət Mədəniyyət və İncəsənət Universitetində davam etdirib. 1964-cü ildən Azərbaycan Dövlət Filarmoniyasının solisti olub.
Xalq arasında Teymur əmi kimi tanınan Teymur Mustafayev 1978-ci ildən Azərbaycan Dövlət Konsert Birliyində, 1998 ci ildən Muğam Teatr-ında fəaliyyət göstərib.Onun repertuarını muğam və təsniflər, xalq və bəstəkar mahnıları təşkilib edib.
Xalq artistimizin ifa etdiyi muğam və təsniflər AzTR Fondunda saxlanılır.Bir çox xarici ölkələrdə (Avropa ölkələrində, Ərəb ölkələrində, Rusiyada, Türkiyədə, İranda, Əfqanıstanda) qastrol səfərlərində olub.Teymur Mustafayev 11 iyun 2020-ci ildə Bakı şəhərində vəfat edib.