Azadsöz.az xəbər verir ki, Nəsimi rayonu ərazisində avtomobil oğurlanması barədə polisə məlumat daxil olub. Nəsimi RPİ-nin 22-ci Polis Şöbəsinə müraciət edən zərərçəkmiş D.Əliyeva küçəsində nasaz vəziyyətdə saxladığı “KİA” markalı avtomobilin oğurlandığını bildirib.
Polis əməkdaşlarının keçirdikləri tədbirlərlə bu əməli törətməkdə şübhəli bilinən, əvvəllər məhkum olunmuş 38 yaşlı R.Mirzəyev və 39 yaşlı R.Həşimov müəyyən olunaraq saxlanılıblar.
Avtomobil polis əməkdaşları tərəfindən Buzovna qəsəbəsi ərazisində aşkar edilib.
Araşdırma aparılır.