Azadsöz.az xəbər verir ki, Prezident İlham Əliyevin müvafiq Sərəncamı ilə 2024-cü il Azərbaycanda “Yaşıl dünya naminə həmrəylik ili” elan edilməsi ilə bağlı Göyçay rayonunda silsilə tədbirlər davam etdirilir.
Oktyabrın 17-dən başlanan ağacəkmə aksiyası bu gün Bakı-Şamaxı-Yevlax avtomobil yolunun Göyçay rayon Natavan küçəsində olub.
Aksiyada Göyçay Rayon İcra Hakimiyyətinin başçısı aparatının, Statistika və Bələdiyyə idarəsinin, şəhər inzibati ərazi dairəsi üzrə nümayəndəliyin və Şəhər Təsərrüfatı Birliyinin əməkdaşları iştirak ediblər.
Əkilməsi nəzərdə tutulan ağacların yerləri müəyyənləşdirilib, çalalar qazılıb və digər zəruri hazırlıq görülüb.Daha sonra 367 ədəd şam ağacının əkilməsi işləri həyata keçirilib.Yeni əkilən şam ağaclarının küləkdən qorunması üçün dirəklər basdırılıb, suvarılıb. Bu gün rayonun müəyyən olunmuş ərazilərinə ümumilikdə 1367 ədəd müxtəlif növ ağac əkilib.
“Yaşıl dünya naminə həmrəylik ili” çərçivəsində keçirilən ağacəkmə aksiyasının məqsədi ictimaiyyətin diqqətini ətraf mühitin sağlamlaşdırılmasına, yaşıllıqların bərpasına və artırılmasına yönəltmək, iqlim dəyişikliyi ilə mübarizəyə töhfə verməkdir.
Ağacəkmə aksiyası növbəti günlərdə də davam etdiriləcəkdir.
Qeyd edək ki, 18-27 oktyabr tarixlərində Göyçay Rayon İcra Hakimiyyəti tərəfindən Bakı-Şamaxı-Yevlax avtomobil yolunun kənarlarına ümumilikdə 10000 ədəd müxtəlif növ ağac və gül kollarının əkilməsi nəzərdə tutulmuşdur.
Səbuhi Eltonlu
Gülşən Muradova
Zəka Nağıyev
Arif Heydərov
