Azadsöz.az xəbər verir ki, 44 günlük Vətən müharibəsində qanı ilə tarix yazaraq, şəhidlik zirvəsinə ucalan Orxan Kərimlinin atası Akif Kərimli bu gün Göyçay Rayon Mərkəzi Xəstəxanasında kistadan əməliyyat olunub.
Həkim-ümumi cərrah Kamran Məmmədov tərəfindən icra olunan əməliyyat uğurla nəticələnib. Şəhid atasının vəziyyətinin yaxşı olduğu bildirilir.
Qeyd edək ki, Orxan Kərimli 2020-ci il sentyabrın 27-də başlayan Vətən müharibəsi zamanı Murovdağ istiqamətində gedən döyüşlərdə iştirak edib. Oktyabrın 9-da Murovdağ döyüşləri zamanı şəhid olub. Göyçayda Şəhidlər Xiyabanında dəfn olunub.
Prezident İlham Əliyevin Sərəncamına əsasən, Orxan Kərimli ölümündən sonra Vətən uğrunda”, “Cəsur döyüşçü”, “Kəlbəcərin azad olunmasına görə” və “Qubadlının azad olunmasına görə” medalları ilə təltif edilmişdir.
Səbuhi Eltonlu
Gülşən Muradova
