Azadsöz.az xəbər verir ki, Ermənistan tərəfi Laçında əlverişsiz hava şəraitində azan Azərbaycan Azərbaycan Ordusunun hərbçisinin saxlanıldığını açıqlayıb.
Bu barədə Ermənistan Milli Təhlükəsizlik Xidməti məlumat yayıb.
Bildirilib ki, yerli vaxtla saat 05:15-də Sünik vilayətinin Tex kəndi yaxınlığında sərhədi keçən Azərbaycan əsgəri saxlanılıb.
Ermənistan İstintaq Komitəsi əsgərimizə qarşı cinayət işi açıb.
Qeyd edək ki, Azərbaycan Müdafiə Nazirliyindən bildirilib ki, fevralın 28-i səhər saatlarında Azərbaycan Ordusunun əsgəri Pənahov Ruslan Eldəniz oğlu Laçın rayonu ərazisindəki xidməti mövqelər arasında hərəkət edərkən əlverişsiz hava şəraitində istiqaməti itirərək azıb. Hərbi qulluqçumuzun tapılması məqsədilə dərhal başlanılan axtarış tədbirləri davam etdirilir. Hadisə ilə bağlı ictimaiyyətə əlavə məlumat veriləcək.