Azadsöz.az xəbər verir ki, Göyçay Rayon İcra Hakimiyyəti yanında Şəhər Təsərrüfatı Birliyinin Abadlaşdırma Təmir, Sanitar-Təmizlik və Mənzil İstismar İdarəsinin işçi kollektivi tərəfindən rayonun M.Ə.Rəsulzadə və M.H.Şəhriyar küçəsində abadlıq-təmizlik işləri görülüb.
Belə ki, M.Ə.Rəsulzadə küçəsindən keçən arx bəzi sakinlərimiz tərəfindən atılan şüşə, plastik butulkalar, polietilen torbalar və məişət tullantılarından təmizlik işçiləri tərəfindən təmizlənərək suyun axını tənzimlənib.Şam ağaclarının qurumuş budaqları budanıb, budanmış tullantılar ərazidən daşınaraq təmizlənmə işləri aparılıb.
Görülən işlər çərçivəsində M.H.Şəhriyar küçəsində yerləşən yaşayış binasının həyətində sakinlər tərəfindən zəbt edilmiş torpaq sahəsində qanunsuz tikilən kiçik həcmli tikililər, zəbt olunaraq hasara alınmış ərazilər zəbtdən azad olunub və təmizlənərək ümumi istifadəyə verilib.
Qeyd edək ki, rayonun ayrı-ayrı ünvanlarında başlanılmış abadlıq-təmizlik işləri mərhələli şəkildə aparılacaq.
Səbuhi Eltonlu
Gülşən Muradova
Zəka Nağıyev
Arif Heydərov
