Azadsöz.az xəbər verir ki, 07 fevral 2024-cü il tarixində Azərbaycan Respublikasının bütün bölgələrində olduğu kimi Göyçayda da növbədənkənar prezident seçkiləri üzrə səsvermə keçirilib.
Rayonun mərkəzi və kəndləri üzrə xidmət göstərən 91, 92 saylı Göyçay-Ağdaş və Göyçay Seçki Dairəsinin sədrləri rayonda keçirilən səsvermə ilə bağlı rəsmi açıqlama veriblər.
91 Göyçay Seçki Dairəsinin sədri Eldəniz Həmidov Azadsöz.az-a açıqlamasında bildirib ki, dairə üzrə 50 məntəqədə seçici siyahılarındakı səsverənlərin ümümi sayı 51342 nəfərdir. 38728 seçici seçki məntəqələrinə gələrək səs verib.Fiziki baxımdan sağlam olmayan və sağlamlıq durumu yerində olmayan və məntəqələrə gələ bilməyən 837 nəfər isə səs vermək üçün daşınan səyyar səsvermə qutusu evlərinə aparılıb, və həmin şəxslər səsvermə hüquqlarından istifadə edərək səs veriblər.
Bununla yanaşı 91 saylı Göyçay seçki dairəsininin Qarabaqqal kənd seçki məntəqəsində qeydiyyatda olan 1920-ci il təvəllüdlü, 103 yaşlı Həsənova Səkinə Feyzi qızı səsvermə hüququndan istifadə edərək səs verib.
****
92 saylı Göyçay-Ağdaş və Göyçay Seçki Dairəsinin sədri Nizami Məhərrəmov Azadsöz.az-a açıqlamasında bildirib ki, dairə üzrə 48 məntəqədə seçici siyahılarındakı səsverənlərin ümümi sayı 52803 nəfərdir. Onlardan 30531 nəfər Göyçayda, 22272 isə Ağdaşda səs veriblər.
Ağdaş 48 məntəqədən 27-məntəqə Göyçay rayonunda, 21 məntəqə isə Ağdaş rayonundadır.Məntəqələrdə seçki prosesini canlı izləmək üçün 12 veb kamera quraşdırılıb.7 veb kamera Göyçay seçki məntəqələrində, 5 veb kamera isə Ağdaş seçki məntəqələrində quraşdırılıb.
Fiziki baxımdan sağlam olmayan və sağlamlıq durumu yerində olmayan və məntəqələrə gələ bilməyən 387 nəfər səs vermək üçün daşınan səyyar səsvermə qutusu evlərinə aparılıb, və həmin şəxslər səsvermə hüquqlarından istifadə edərək səs veriblər.
Qeyd edək ki, 92 saylı Göyçay-Ağdaş seçki dairəsinin seçki məntəqəsində qeydiyyatda olan rayonun Nəsimi küçəsində yaşayan 1920-ci il təvəllüdlü, 104 yaşlı İsayeva Solmaz Abdulhüseyn qızı səsvermə hüququndan istifadə edərək səs verib.
Səbuhi Eltonlu
Gülşən Muradova
Arif Heydərov
Zəka Nağıyev