Azadsöz.az xəbər verir ki, yanvarın 30-da Dövlət Şəhərsalma və Arxitektura Komitəsinin sədri Anar Quliyev Göyçay şəhərində yerləşən Heydər Əliyev Mərkəzində Göyçay, Kürdəmir, Ucar, Zərdab və Ağdaş rayonlarından olan vətəndaşların qəbulunu keçirib.
Qəbuldan əvvəl Göyçay rayon İcra Hakimiyyətinin başçısı Natiq Ağayev, Dövlət Şəhərsalma və Arxitektura Komitəsinin sədri Anar Quliyev ümummilli lider Heydər Əliyevin Göyçay şəhərinin mərkəzində ucaldılmış abidəsini ziyarət edib, abidə önünə gül-çiçək dəstələri düzərək xatirəsini dərin ehtiramla yad ediblər.
Daha sonra Göyçay rayon Heydər Əliyev mərkəzində Ulu öndərin zəngin dövlətçilik irsini, həyat və fəaliyyətini özündə əks etdirən eksponat və fotostendlə tanış olublar.
