Azadsöz.az xəbər verir ki, 20 Yanvar faciəsinin 34-cü ildönümü ilə əlaqədar Göyçay şəhər Şəhidlər Xiyabanında şəhidlərin xatirəsi anılıb.
Anım mərasimində rayon İcra Hakimiyyətinin başçısı Natiq Ağayev, icra hakimiyyəti aparatının məsul işçiləri, rayonun hüquq-mühafizə orqanlarının, idarə, müəssisə və təşkilatların rəhbərləri, Birinci Qarabağ, Vətən müharibəsi şəhidlərinin ailələri, müharibə iştirakçıları, ictimaiyyət və KİV nümayəndələri iştirak ediblər.
Tədbir iştirakçıları Göyçay şəhər Şəhidlər Xiyabanını ziyarət edərək Azərbaycanın müstəqilliyi və ərazi bütövlüyü uğrunda canlarından keçmiş şəhidlərin müqəddəs xatirəsini dərin ehtiramla yad edib, məzarları önünə gül-çiçək dəstələri düzüblər.
Həmin gün saat 12:00-da rayon ərazisində şəhidlərin xatirəsi bir dəqiqəlik sükutla yad olunub, nəqliyyatın hərəkəti dayanıb, maşınlardan səs siqnalları verilib.
Səbuhi Eltonlu
Gülşən Muradova
Arif Heydərov
Zəka Nağıyev
