Azadsöz.az xəbər verir ki, Azərbaycanda ilk dəfə dövlət və özəl sektorlarda muzdluların sayı bərabərləşib.
Bunu əmək və əhalinin sosial müdafiəsi naziri Sahil Babayev sahibkarlara “Dayaq” mükafatının təqdim olunması mərasimində deyib.
“Uzun illər ərzində dövlət sektoru həmişə muzdlu əmək münasibətlərində üstünlük təşkil edib. İlk dəfə olaraq bununla bağlı göstəricilər bərabərləşdirilib. Son beş ildə özəl sektorda 400 mindən çox iş yeri yaradılıb. Özəl sektorun bu sahədə atdığı addım təqdirəlayiqdir və görülən işlər ölkə iqtisadiyyatının inkişafı üçün çox mühümdür”, – o deyib.