Azadsöz.az xəbər verir ki, Qida Təhlükəsizliyi Agentliyi nəzarət tədbirləri çərçivəsində Ağsu şəhərinin M.Ə.Rəsulzadə küçəsində fəaliyyət göstərən fiziki şəxs Rəhimov Qalib Gilasxan oğluna məxsus “Səadət” şadlıq sarayında yoxlama aparıb.
Agentliyin İnformasiya təminatı və innovativ həllər şöbəsindən verilən məlumata görə, yoxlama zamanı şadlıq sarayında qida təhlükəsizliyi sahəsində normativ-hüquqi aktların tələblərinin pozulduğu müəyyən edilib.
Faktla bağlı qanunvericiliyin tələblərinə uyğun olaraq aşkar olunmuş nöqsanlar aradan qaldırılanadək şadlıq sarayının fəaliyyəti məhdudlaşdırılıb və rəhbəri barəsində inzibati tədbir görülüb.
