Azadsöz.az xəbər verir ki, 44 günlük Vətən müharibəsində qəhrəmanlıq göstərərək şəhidlik zirvəsinə ucalan Maarif Həsənovun şəhadətə qovuşmasının üçüncü ildönümüdür.Maarif Rahim oğlu Həsənov 1999-cu il` noyabrın 19-da Göyçay rayonunun Birinci Ərəbcəbirli kəndində anadan olmuşdur.
Yeddi ay əvvəl həqiqi hərbi xidmətdən qayıdan Maarif Həsənov 27 sentyabr 2020-ci ildə başlayan Vətən müharibəsinə yollanmışdır.Ağdərə və Suqovuşan istiqamətində gedən döyüşlərdə iştirak etmişdir. 12 oktyabr 2020-ci ildə öz komandiri ilə şiddətli döyüşdən geri dönərkən gözlənilmədən 7 nəfər erməni əsgəri ilə qarşılaşan Maarif özünü itirmir və əlindəki qumbara ilə 4 ermənini məhv edir. Sağ qalan 3 ermənidən biri Maarifə atəş açır və o, şəhid olur.Maarifin komandiri isə qalan 3 ermənini öldürür, özü isə ağır yaralanır.
Oktyabr ayının 12-dən ailəsi Maarifdən xəbər ala bilməyib.Nəhayət, 35 gündən sonra Maarif Həsənovun 2020-ci il noyabrın 17-də Suqovuşan uğrunda gedən döyüşlərdə şəhid olması xəbəri gəlib. 17 noyabr 2020-ci ildə Göyçay şəhər Şəhidlər Xiyabanında dəfn olunub.
Prezident İlham Əliyevin sərəncamına əsasən, Maarif Həsənov ölümündən sonra “Vətən uğrunda”, “Suqovuşanın azad olunmasına görə” və “Cəsur döyüşçü” medalları ilə təltif edilib.
Qeyd edək ki, Göyçayda küçələrdən birinə şəhid Maarif Həsənovun adı verilib.Bununla yanaşı adına xatirə bulağı tikilib.
Səbuhi Eltonlu
Gülşən Muradova
Zəka Nağıyev