Azadsöz.az xəbər verir ki, bu gün torpaqlarımızın ərazi bütövlüyü uğurunda gedən döyüşlərdə qəhrəmancasına şəhid olan Azər Əliyevin şəhadətə qovuşmasının üçüncü ildönümüdür. Azər Elnur oğlu Əliyev 21 mart 2002-ci ildə Göyçay rayonu Kürdşaban kəndində anadan olub.2008-2019-cu illərdə Kürdşaban kənd tam orta məktəbdə təhsil alıb.
Orta məktəbi bitirdikdən sonra Bakı Idarəetmə və Texnologiya Kollecinə daxil olub.Həqiqi hərbi xidmət vaxtı çatdığı üçün təhsilini yarımçıq qoyaraq, hərbi xidmətə yollanıb.Hərbi xidmət zamanı tankçı peşəsinə yiyələnib.
Azər Əliyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən Müharibəsində iştirak edib. 30 oktyabrda Füzuli rayonu uğrunda gedən döyüşlərdə şəhid olub.Göyçay rayonu Kürdşaban kəndində dəfn olunub.
Azərbaycan Respublikasının Prezidenti İlham Əliyevin Sərəncamlarına əsasən, Azər Əliyev ölümündən sonra “Vətən uğrunda” , “Füzuli rayonunun azad olunmasına görə” və “Cəsur döyüşcü” medalları ilə təltif edilib.
Səbuhi Eltonlu
Gülşən Muradova
Zəka Nağıyev
