Azadsöz.az xəbər verir ki, bu gün torpaqlarımızın ərazi bütövlüyü uğurunda gedən döyüşlərdə qəhrəmancasına şəhid olan Eldar Şirinovun şəhadətə qovuşmasının üçüncü ildönümüdür.
Şirinov Eldar Bağır oğlu 12 iyul 2001-ci ildə Göyçay rayonunun Çərəkə kəndində anadan olub. O, ailənin ən kiçiyi, iki bacının bir qardaşı idi. 2007-ci ildə Çərəkə kənd orta məktəbinin birinci sinfinə gedib. Məktəbi bitirdikdən sonra, Göyçay Dövlət İdarəetmə və Texnologiya Kollecinə qəbul olub.
Eldar Şirinov 2019-cu ilin iyu ayında Həqiqi Hərbi xidmətə çağırılıb.Beyləqan rayonunun “N” saylı kəşfiyyat bölüyündə xidmət edib. Xidmətdə olan zaman 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlayan Vətən müharibəsində iştirak edib.Oktyabrın 6-da Füzuli istiqamətində gedən döyüşlərdə qəhrəmancasına şəhid olub. Göyçay rayonunun Çərəkə kəndində dəfn olunub.
Prezident İlham Əliyevin Sərəncamına əsasən Eldar Şirinov ölümündən sonra “Vətən uğrunda”, “İgidliyə görə” və “Füzulinin azad olunmasına görə” medalları ilə təltif olunub.
Səbuhi Eltonlu
Gülşən Muradova
Zəka Nağıyev
