Azadsöz.az xəbər verir ki, bu gün torpaqlarımızın ərazi bütövlüyü uğurunda gedən döyüşlərdə qəhrəmancasına şəhid olan Kənan Ömərlinin şəhadətə qovuşmasının üçüncü ildönümüdür.
Kənan Elxan oğlu Ömərli 1999-cu il martın 8-də Göyçay rayonunun Cəyirli kəndində anadan olub.2005-ci ildə Cəyirli kənd tam orta məktəbin 1-ci sinifinə gedib. 2014-cü ildə həmin məktəbin 9-cu sinifini bitirərək, Göyçay Dövlət İdarəetmə və Texnologiya Kollecinə daxil olub.2018-ci ilin iyununda Həqiqi Hərbi xidmətə çağrılıb, Naxçıvan Muxtar Respublikasının “N” saylı hərbi hissəsində xidmət keçib. 2020-ci ilin yanvarında hərbidən təxris olunub.
Kənan Ömərli Gəncə Texnologiya Universitetinə qəbul olmağna baxmayaraq,2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlayan Vətən müharibəsində iştirak etmək üçün döyüşə yollanıb.Oktyabrın 6-da Ağdam istiqamətində gedən döyüşlərdə şəhid olub. Göyçay rayonunun Cəyirli kəndində torpağa tapşırılıb.
Ölümündən sonra Azərbaycan Respublikası Prezdentinin sərəncamı ilə “Vətən uğrunda”, “Ağdamın azad olunmasına görə” medalları və 3-cü dərəcəli “Vətənə xidmətə görə” ordeni ilə təltif edilmişdir.
Səbuhi Eltonlu
Gülşən Muradova
Zəka Nağıyev
