Azadsöz.az xəbər verir ki, Mərakeşdə zəlzələdə ölənlərin sayı 2012 nəfərə çatıb, 2059 yaralı var.
Fəlakət zonasında axtarış-xilasetmə işləri davam etdirilir.
XXX
23:36
Mərakeşdə güclü zəlzələ nəticəsində ölənlərin sayı 1 305 nəfərə çatıb.
Təbii fəlakət zamanı azı 1832 nəfər yaralanıb.
XXX
14:11
Mərakeşdə zəlzələdə ölənlərin sayı 820-yə çatıb.
Bu barədə Mərakeşin Daxili İşlər Nazirliyi məlumat yayıb.
Azı 672 nəfər yaralı olduğu bildirilib.
Qeyd edək ki, Mərakeşdə 6,9 bal gücündə zəlzələ baş verib.
xxx
10:51
Mərakeşdə zəlzələdə ölənlərin sayı 632-yə çatıb.
Bu barədə “Reuters“ məlumat yayıb.
Qeyd edək ki, Mərakeşdə 6,9 bal gücündə zəlzələ baş verib.
xxx
06:42
İlkin rəsmi məlumata görə, Mərakeşdə baş vermiş zəlzələdə 296 nəfər ölüb.
Bu barədə Krallığın Daxili İşlər Nazirliyinin məlumatında bildirilib.
“Goud” portalının məlumatına görə, Əl-Hauz, Şişaya, Uarzazat əyalətlərində və Mərakeş şəhərində onlarla insan həlak olub. Zəlzələdən zərər çəkmiş ərazilərdə elektrik enerjisi və mobil rabitə ilə bağlı ciddi problemlər yaranıb.
Mərakeşin turizm mərkəzi və mədəniyyət paytaxtı Mərakeş şəhərində, eləcə də ölkənin ən böyük üzgüçülük kurortu olan Aqadirdə yaşayış binalarının və müxtəlif tikililərin uçması qeydə alınıb.
Yeraltı təkanlar Krallığın bir sıra iri şəhərlərində, o cümlədən Aqadir, Kasablanka, Kenitra, Rabbat, Essauirada da hiss olunub. Hazırda xilasetmə qüvvələri ərazidə işləyirlər.
xxx
05:58
Mərakeşdə 6,9 bal gücündə zəlzələ nəticəsində ölənlərin sayı 100-ü ötüb.
Bu barədə “Goud” informasiya portalı rəsmi mənbələrə istinadən bildirib.
“Al Arabiya” telekanalı mənbələrə istinadən xəbər verib ki, 93 nəfər həlak olub.
Bildirilib ki, onlardan 73-ü Mərakeş yaxınlığındakı Əl-Həuz vilayətindədir.