Azadsöz.az xəbər verir ki, hadisə bu gün axşam saatlarında Göyçay-Ucar yolunun Hüngütlü kəndi ərazisindən keçən hissəsində qeydə alınıb.
2001-ci il təvəllüdlü İsmayılov İbrahim Bəylər oğlunun idarə etdiyi “VAZ 2107” markalı avtomobil Göyçay-Ucar yolunun Hüngütlü kəndi ərazisində hərəkətdə olan zaman anidən avtomobilin təkəri çıxıb.
Sürücünün idarəetməni itirməsi nəticəsində avtomobil qarşıdan gələn “VAZ 2106” markalı avtomobillə toqquşub. Nəticədə “VAZ 2107” markalı minik avtomobilinin sürücüsü və sərnişinlər müxtəlif dərəcəli bədən xəsarətləri alıblar.
Yaralılar Göyçay rayon Mərkəzi Xəstəxanasına aparılıblar.
Faktla bağlı Göyçay rayon Polis Şöbəsi tərəfindən araşdırma aparılır.
