Azadsöz.az xəbər verir ki, torpaqlarımızın bütövlüyü uğurunda gedən döyüşlərdə qəhrəmancasına şəhid olan Nuriyev Elşən Əlisa oğlunun ailəsində xoş hadisə baş verib.
Şəhidimizin qardaşı Nuruzadə Rövşən Əlisa oğlunun qız övladı dünyaya gəlib.Körpəyə Nigar adı verilib.
Qeyd edək ki, şəhid Elşən Əlisa oğlu Nuriyev 13 iyun 1996-cı ildə Göyçay şəhərində anadan olub.2020-ci il sentyabrın 21-də könüllü olaraq təlimlərə qatılıb. 2020-ci il sentyabrın 27-də başlanan Vətən müharibəsində iştirak edib.Oktyabrın 4-də şəhid olub.Böyük izdihamla Göyçay Şəhidlər Xiyabanında dəfn olunub.
Prezident İlham Əliyevin sərəncamı ilə Elşən Nuriyev ölümündən sonra “Vətən uğrunda”, “Cəsur döyüşçü” və “Suqovuşanın azad olunmasına görə” medalları ilə təltif edilib.
Azadsöz.az kollektivi olaraq şəhidimizin ailəsini səmimi qəlbdən təbrik edir, dünyaya göz açan balamıza xoşbəxt və sağlam gələcək arzu edirik.
