Azadsöz.az xəbər verir ki, dəfələrlə media və sosial şəbəkələr vasitəsilə rayonun təmizliyi ilə bağlı çağırışlar etməyimizə baxmayaraq yenə də bəzi məsuliyyətsiz sakinlərimiz çirkin işlərindən əl çəkmirlər ki, çəkmirlər.Sanki rayonu məişət tullantıları ilə çirkləndirməkdən zövq alırlar.Bəlkə də etdikləri bu hərəkətlər onlar üçün bir hobbidir.Amma unutmasınlar ki, rayon üçün qınaq hədəfi olurlar.
Ötən gün gecə saatlarında Göyçay rayon Sanitar-Təmizlik İdarəsinin təmizlik işçiləri rayon ərazisində təmizlik işləri aparan zaman rayonun M.Ə.Rəsulzadə küçəsində xoşagəlməz mənzərə ilə qarşılaşıblar.
Belə ki, sözügedən küçədən keçən bərəyə vətəndaşlarımız içdikləri suların şüşə, plastik butulkalarını atmaqla bərənin axının tutulmasına şərait yaradıblar. Təmizlik işçiləri tərəfindən qeyd olunan bərə təmizlənərək qaydaya salınıbdır.
Hörmətli rayonun təmizliyinə mane olan qoçaq sakinlərimiz eşidin, bilin və həmişəlik yaddaşınıza həkk edin ki, prospekt və küçələrə məişət tullantılarının yığılması üçün qoyulan konteynerlər bəzəyə yox, məişət tullantılarının yığılması üçün qoyulub.Bunu başa düşməmək ən azından cahillikdir.
Müxbir:Zəka Nağıyev
Xüsusi müxbir: Gülşən Muradova