Xəbər verdiyimiz kimi Meyvəçilik və Çayçılıq Elmi-Tədqiqat İnstitutunun Göyçay dayaq məntəqəsində yaradılan istixanada mövsümə uyğun olaraq yetişdirilən çiçəklər və dekorativ güllər mərhələli şəkildə rayonda ayrılmış yerlərə əkilməsi davam edir.
Azadsöz.az xəbər verir ki, 22 may 2023-cü il tarixində Göyçay Rayon İcra Hakimiyyəti yanında Şəhər Təsərrüfatı Birliyinin Abadlaşdırma Təmir İdarəsinin işçi kollektivi Göyçay Əli Kərim Parkına cəlb olunub.
Parkın giriş hissəsində hazırlanmış milli ornametimiz olan Butanın daxilinə kələm gülü əkilib.Bununla yanaşı görülən işlər çərçivəsində əkilən şam ağaclarına, yeni əkilən ağaclara və güllərə aqrotexniki qulluq göstərilib, suvarılıb.
