Azadsöz.az xəbər verir ki, ümummilli Lideri Heydər Əliyevin 100 illik yubileyi ilə əlaqədar Göyçay Dövlət Aqrar İnkişaf Mərkəzinin rəhbəri Elçin İsmayılov tərəfindən Mərkəzin həyətində təmizlik-abadlıq işləri aparılıb.
Mərkəzin yaşıllıq hissəsi alaq otlarından təmizlənib, əkilən şam və müxtəlif növ ağacların gövdələri əhənglənib, dibləri bellənib, gül-çiçək kolları əkilib, mövcud olan yaşıllıqlara və ağaclara aqrotexniki qulluq göstərilib.Görülən işlər çərçivəsində Mərkəzin həyətində yol-cizgi və yolgöstərici xətlərinin çəkilməsi işləri aparılıb.
Qeyd edək ki, Prezident İlham Əliyevin müvafiq Sərəncamına əsasən Azərbaycan Respublikasında 2023-cü ilin “Heydər Əliyev İli” elan edilməsi və Ümummilli Liderin anadan olmasının 100 illiyi ilə əlaqədar respubikamızın hər yerində olduğu kimi, Göyçay rayonunda da silsilə tədbirlər və abadlıq-quruculuq işləri geniş vüsət alıb.
