22 May 2024 05:40

Ərəbcəbirli kəndində ictimai  bulaqlara  qanunsuz qoşulmaların qarşısı alındı -FOTO

Azadsöz.az xəbər verir ki, Göyçay rayonun  mərkəzində  və  kəndlərində içməli  suya  və ictimai  bulaqlara  qanunsuz  qoşulmaların  qarşısı  alınır.

Bununla  bağlı  olaraq    «Göyçay Su-Kanal» Törəmə Səhmdar Cəmiyyətinin   əməkdaşlarının  araşdırmaları nəticəsində Göyçay rayonunun  Ərəbcəbirli kəndində 37  ictimai bulağa qanunsuz qoşulma halları  aşkar edilib.

Aparılan  yoxlamalar  zamanı ictimai  bulaqlara müxtəlif  ölçülü plastik  borular  vasitəsi  ilə   qanunsuz qoşularaq uçotsuz və sayğacdankənar  istifadə  olunduğu  məlum olub. Dərhal  qurumun əməkdaşları  tərəfindən özbaşına  qoşulmalar ləğv edilib.

Qeyd edək  ki, rayonun mərkəzi  küçələrində, kəndlərində içməli sudan və  ictimai bulaqlardan  qanunsuz istifadə  edən  vətəndaşlara  qarşı  tədbirlər mütamadi olaraq davam etdiriləcək, özbaşına çəkilmiş xətlərin qoşulmaların  qarşısı  alınacaq.Bu cür  halların  təkrarlandığı  təqdirdə  qanunvericiliyə uyğun olaraq  hüquq-mühafizə orqanlarına müraciət olunacaq.