Azadsöz.az xəbər verir ki, Göyçay Rayon İcra Hakimiyyəti yanında Şəhər Təsərrüfatı Birliyinin Sanitar-Təmizlik Şöbəsinin təmizlik işçiləri ötən gün gecə saatlarında rayon daxilində təmizlik işləri aparan zaman xoşagəlməz mənzərə ilə rastlaşıblar.
Belə ki, rayonun Nizami küçəsində təmizlik işçiləri təmizlik maşınına məişət tullantıları yığılan konteyneri boşaldan zaman digər konteynerin yandığının şahid olublar. Dərhal əl əməyindən istifadə olunaraq yanğın söndürülüb və konteynerin sıradan çıxmasının qarşısı alınıb.
Məişət tullantılarının yığılması üçün nəzərdə tutulan konteynerlərə qənim kəsilən rayonun bu cür qəhrəmanlarına bildirmək istəyirik ki, yandırdığınız həmin konteynerlər dəmirdən deyil sizin qəhrəmanlığınıza tab gətirsin.Unutmayın ki, sizin gördüyünüz bu əməlləri çəkmək Sanitar-Təmizlik şöbəsinin vəzifə borcu deyil.Onların səlahiyyətlərinə rayonu məişət tullantılarından gündəlik təmizləmək daxildir.
