Azadsöz.az xəbər verir ki, Azərbaycanlı milyarder Fərhad Əhmədovun müvafiq əmri ilə Göyçay rayonunda fəaliyyət göstərən məşhur “AZNAR” QSC-nə yeni rəhbər təyin edib.
F.Əhmədovun qərarına əsasən qardaşı oğlu Əhmədov Teymur Fərəc oğlu “Teymur Əhmədov adına AZNAR” QSC-nin baş direktoru vəzifəsindən azad edilib. Qurbanov Zeynullah Rəcəb oğlu həmin vəzifəyə rəhbər təyin edilib.
Bildirək ki, “AZNAR”ın Müşahidə Şurasına Fərhad Əhmədov sədrlik, qardaşı Fərəc Əhmədov şirkətin rəhbər vəzifəsində yer alırdı.
Qeyd edək ki, Zeynullah Qurbanov 2000-ci illərdən Rusiyada ilk milli Azərbaycan brendini yaradan və bu brendi adı altında Azərbaycanda istehsal edilən nar şirələrini Rusiya bazarına çıxaran və “O’GRAE”şirkətinin yaradıcısıdır.
Xatırladaq ki, Teymur Əhmədov adına “AZNAR” QSC 2006-cı ildə təsis edilib. Şirkətin 149.99 milyon manat nizamnamə kapitalı var. Şirkət Fərhad Əhmədovun atası – Teymur Əhmədovun adınadır. Azərbaycanda nar şirələri və digər məhsulların istehsalı ilə tanınır.
