Azadsöz.az xəbər verir ki, Göyçay Rayon İcra Hakimiyyəti yanında Şəhər Təsərrüfatı Birliyinin Sanitar-Təmizlik İdarəsinin təmizlik işçiləri gündəlik qrafikə uyğun olaraq apardıqları təmizlik işlərini növbəti dəfə rayonun Bakı küçəsində aparıb.
Qeyd olunan küçəyə xüsusi texnika cəlb olunaraq toplanan qurumuş xəzəl yarpaqları, məişət tullantıları, daş və digər tullantı parçaları, plastik qablar, polietilen torbalar təmizlik maşınına yığılaraq ərazidən daşınıb.
Bununla yanaşı dəfələrlə media və sosial şəbəkələr vasitəsilə çağrış etməyimizə baxmayaraq rayonun təmizliyinə xələl gətirən bəzi vətəndaşlarımız tərəfindən atılan dam örtükləri küçədən götürülüb.Görülən işlər çərçivəsində texnikanın köməkliyi ilə küçədən keçən arx lil və çöküntülərdən və digər tullantılardan təmizlənib.
Bildirək ki, ekoloji tarazlığın qorunması, eyni zamanda təbiətə qayğı hissinin güclənməsi baxımından Sanitar-Təmizlik İdarəsi tərəfindən təmizlik işləri gündəlik olaraq aparılır.