Xəbər verdiyimiz kimi Göyçay Rayon İcra Hakimiyyətinin başçısı Natiq Ağayevin təşkilatçılığı ilə Göyçay çayının sahilində 3 hektar ərazidə yeni yaşıllıq sahəsinin salınması məqsədi ilə əkilən pavlonya ağaclarının suvarılması üçün su xətlərinin çəkilməsi işləri artıq yekunlaşıb.
Azadsöz.az xəbər verir ki, Göyçay Rayon İcra Hakimiyyəti yanında Şəhər Təsərrüfatı Birliyinin Abadlaşdırma Təmir İdarəsinin işçi kollektivi tərəfindən Göyçay çayından 500 metr uzunluğunda plastik turbalar vasitəsilə gətirilən su xətləri salınan yaşıllıq sahəsinə tam olaraq paylanıb. Çəkilmiş su xətlərinin köməkliyi ilə əkilən ağacların vaxtlı-vaxtında suvarılması işləri görüləcək.
Qeyd edək ki, Göyçay rayon İcra Hakimiyyətinin başçısı N.Ağayevin göstərişi ilə Meyvəçilik və Çayçılıq Elmi-Tədqiqat İnstitutunun Göyçay dayaq məntəqəsində yaradılan istixanada mövsümə uyğun olaraq yetişdirilən çiçəklər və dekorativ güllər yaxın günlərdə gətirilərək Göyçay çayının sahilində salınan yaşıllıq sahəsinə əkilməsi nəzərdə tutulub.