Azadsöz.az xəbər verir ki, Göyçay Rayon İcra Hakimiyyəti yanında Şəhər Təsərrüfatı Birliyinin Sanitar-Təmizlik İdarəsinin təmizlik işçiləri növbəti səliqə-sahman işlərini rayonun Mehdi Hüseynzadə küçəsində aparıblar.
Qeyd olunan küçədə barduyurların arxa hissəsindəki ərazi qurumuş xəzəl yarpaqlarından, plastik qablardan və polietilen torbalardan təmizlənib və həmin ərazi süpürülərək səliqəyə salınıb.
Bütün bu görülən işlərə baxmayaraq bəzi rayon sakinləri məsuliyyətsizlik edərək məişət tullantılarını konteynerlərə atmayaraq, istədikləri yerlərə atmaqla rayonun təmizliyinə xələl gətirirlər.
Rayonumuzun sakinlərini və qonaqlarını təmizliyə riayət etməyə, ətraf mühiti və təbiətimizi qorumağa çağırırıq.
