Azadsöz.az xəbər verir ki, Göyçay rayonunda kafelərin birində bıçaqlanma hadisəsi qeydə alınıb.Rayon sakini Ələkbər Süleymanov aralarında yaranan mübahisə zamanı iş yoldaşı, kafedə dönərçi kimi çalışan Ramiz Musayevə bıçaqla xəsarət yetirib.Yaralı xəstəxanaya yerləşdirilib və müalicəsi davam etdirilir.
DİN – in Mətbuat Xidmətinin Şəki regional qrupunun baş inspektoru, polis kapitanı Mahir Məsimov bildirib ki, hadisəni törədən şəxs polis əməkdaşları tərəfindən saxlanılıb və zərərçəkmişin xəsarətlərinin dərəcəsinin müəyyən olunması məqsədilə məhkəmə – tibbi ekspertizası təyin edilib.
Faktla bağlı cinayət işi açılıb, araşdırma aparılır.