Azadsöz.az xəbər verir ki, bu gün 44 günlük Vətən Müharibəsində qanı ilə tarix yazan Elvin Məmmədovun ildönümüdür. Məmmədov Elvin Mübariz oğlu 1996-cı il fevralın 26-da Göyçay rayonunun Ləkçıplaq kəndində anadan olub. Orta təhsilini Ləkçıplaq kənd tam orta məktəbdə alıb.
2020-ci il 27 sentyabrda başlayan II Qarabağ müharibəsində iştirak etmək üçün könüllü olaraq ön cəbhəyə yollanıb.Oktyabrın 1-də Ağdərə uğrunda gedən döyüşdə şəhadət şərbətini içərək şəhidlik zirvəsinə yüksəlib.Ləkçıplaq kənd qəbirstanlığında torpağa tapşırılıb.
Prezident İlham Əliyevin sərəncamına əsasən ölümündən sonra “İgidliyə görə” , “Laçının azad olunması” , “Suqovuşanın azad olunması” , “Vətən uğrunda” medalları ilə təltif edilib.