Azadsöz.az xəbər verir ki, 29 avqustda Göyçay Rayon İcra Hakimiyyətinin təşəbbüsü ilə rayonun Heydər Əliyev prospektində yerləşən Göyçay Dövlət İdarəetmə və Texnologiya Kollecinin və Göyçay Peşə Liseyinin ərazisində iməclik keçirildi.İməclikdə rayonun Abadlaşdırma Təmir, Sanitar -Təmizlik İdarələrinin əməkdaşları iştirak ediblər.
Texnika və işçi qüvvəsi cəlb olunaraq ərazi alaq otlarından, arxlar məişət tullantılarından, lil və çöküntülərdən təmizlənib, kol-kos, qurumuş ot örtüyü biçilıb və ağaclar budanaraq səliqəyə salınıb.
Qeyd edək ki, rayonun mərkəzində və kəndlərində təmizliyinin lazımı səviyyədə saxlanılması `üçün bütün tədbirlər mütəmadi olaraq davam etdiriləcək.