Göyçayda qaçırılaraq işgəncə verilən qız tapıldı

DİN-in Mətbuat Xidmətinin Şəki regional qrupundan  Azadsöz.az-a verilən məlumata  görə, Göyçayda evlənmək məqsədilə qaçırıldığını iddia olunan qız işgəncəyə məruz qalıb.

Hadisə rayonun Ulaşlı-Şıxlı kəndində qeydə alınıb.

Rayon sakinləri Feyruz Əliyev  atası Mahmud Əliyev və anası Yeganə Əliyeva ilə birgə 21 yaşlı Zeynəb Ağayevanı (ad və soyad şərtidir) qaçıraraq tövlədə gizlədiblər. Ailə üzvləri daha sonra qızın müqavimət göstərməsinin qarşısını almaq üçün ağzını bağlayaraq işgəncə veriblər.

Məsələ Daxili İşlər Nazirliyi tərəfindən nəzarətə götürülüb və qız ailəsinə təhvil verilib. Faktla bağlı Göyçay Rayon Polis Şöbəsində araşdırmalar davam etdirilir.