Azadsöz.az xəbər verir ki, 05 noyabr 2021-ci ildə Arif Məmmədov adına Göyçay şəhər Uşaq musiqi məktəbində Zəfər Günü” adlı tədbir keçirilib. Tədbirdə Arif Məmmədov adına Göyçay şəhər Uşaq musiqi məktəbinin direktoru Rövşən Zamanov, musiqi məktəbinin kollektivi, Göyçay rayon İcra Hakimiyyətinin İctimai-siyasi və humanitar məsələlər şöbəsinin müdiri Zivər Zeynalova, Ağdaş Regional Mədəniyyət və Turizm İdarəsinin rəis müavini və YAP Göyçay rayon təşkilatının sədri Sahib Şükürov və digər şəxslər iştirak ediblər.
İlk öncə Dovlet Himni seslendirildi, sonra torpaqlarımızın suverenliyi və ərazi bütövlüyü uğrunda canından keçən qəhrəman şəhidlərimizin əziz xatirəsi bir dəqiqəlik sükutla yad edilib.
Tədbiri giriş sözü ilə açan Arif Məmmədov adına Göyçay şəhər Uşaq musiqi məktəbinin direktoru Rövşən Zamanov bildirib ki, “Dəmir Yumruq” əməliyyatı və ya İkinci Qarabağ müharibəsi xalqımızın birliyini və Müzəffər Ordumuzun gücünü bir daha sübut etdi.2020-ci il sentyabrın 27-də başlanan 44 günlük Vətən Müharibəsi Azərbaycan xalqının 30 illik yurd həsrətinə son qoydu.İşğalçı ölkənin döyüş və diplomatiya meydanında hərbi-siyasi məğlubiyyəti Azərbaycanın güclü iradəyə sahib olduğunu göstərdi.
Daha sonra tədbir Arif Məmmədov adına Göyçay şəhər Uşaq musiqi məktəbinin kollektivinin “Zəfər Günü”-nə həsr etdikləri ədəbi-bədii kompozisiya və muğam ifaları ilə davam edib.