Azadsöz.az xəbər verir ki, 4 noyabr 2020-ci ildə 44 günlük Vətən Müharibəsində şəhidlik zirvəsinə yüksələn Göyçay şəhər sakini Vasif Əlibala oğlu Məmmədovun ildönümü Göyçayda Şəhidlər Xiyabanında məzarı önündə qeyd olunub.Tədbirdə rayon İcra Hakimiyyətinin başçısı, hüquq-mühafizə orqanlarının rəhbərləri, şəhidin ailə üzvləri, dindarlar, ağsaqqallar və şəhər sakinləri iştirak ediblər. Şəhidin əziz xatirəsi ehtiramla yad olunub, məzarı üzərinə gül dəstələri düzülüb.
Tədbirdə Rayon İcra Hakimiyyətinin başçısı çıxış edərək qeyd etdi ki, 2020-ci il sentyabrın 27-də başlanan Vətən Müharibəsində Azərbaycan xalqı, əsgər və zabitlərimizin şücaəti, cənab Prezidentimizin qətiyyətli addımları sayəsində düşmənə nəyə qadir olduğumuzu nümayiş etdirdi.44 gün davam edən müharibə düşmənin acınacaqlı məğlubiyyəti ilə nəticələndi.Bu zəfər qələbəsi idi.
Bu qələbə minlərlə şəhidimizin canı və qanı bahasına əldə olundu. Vasif Məmmədov kimi igidlərimizin şücaəti və qəhrəmanlığı sayəsində Azərbaycan xalqının yurd həsrətinə son qoyulduğunu diqqətə çatdırdı.Rayon İcra başçısı Mehdi Səlimzadə Prezident İlham Əliyevin Vasif Məmmədovun ölümündən sonra “Vətən uğrunda” , “Xocavəndin azad olunmasına görə”, “Füzuli rayonunun azad olunmasına görə” və “Şuşanın azad olunmasına görə” təltif etdiyi medallarını şəhidin ailəsinə təqdim etdi.
Daha sonra şəhid Vasif Məmmədov adına Göyçay şəhər 11 nömrəli Uşaq baxçasının açılışı olub. Açılışda çxış edənlər şəhidimizin keçdiyi döyüş yolundan, qəhrəmanlığından danışıblar. Tədbirin sonunda şəhidin ailə üzvləri göstərilən diqqət və qayğıya görə, İlham Əliyevə, Birinci vitse-prezident Mehriban xanım Əliyevaya və rayon rəhbərliyinə təşəkkürünü bildiriblər.
Xatırladaq ki, 4 noyabr 2020-ci ildə 44 günlük Vətən Müharibəsində şəhid olan Vasif Əlibala oğlu Məmmədov 12 noyabr 1994-cü ildə Göyçay şəhərində anadan olub.
Vasif Məmmədov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən Müharibəsində iştirak edib. Noyabrın 4-də şəhid olub. Göyçayda Şəhidlər Xiyabanında dəfn olunub.
Azərbaycan Respublikasının Prezidenti İlham Əliyevin Sərəncamlarına əsasən, Vasif Məmmədov ölümündən sonra “Vətən uğrunda” , “Xocavəndin azad olunmasına görə”, “Füzuli rayonunun azad olunmasına görə” və “Şuşanın azad olunmasına görə” medalları ilə təltif edilib.