Azadsöz.az xəbər verir ki, bu gün Azərbaycan teatr və kino aktyoru və film səsləndirən, Azərbaycanın xalq artisti (2005) və “Qızıl dərviş” mükafatı laureatı Ağaxan Əli oğlu Salmanlının doğum günüdür.O, 1941-ci il oktyabrın 29-da Suraxanıda anadan olub. 1949-1959-cu illərdə orta məktəbi bitirib.İlk sənət təhsilini Suraxanıda fəhlə gənclər dram dərnəyində, daha sonra Teatr İnstitutunun dram-kino aktyorluğu fakültəsində Rza Təhmasibin kursunda alıb.
Peşəkar səhnə fəaliyyətinə Gənc Tamaşaçılar Teatrında Seyfəddin Dağlının “Bahar oğlu” əsəri əsasında Cəfər Cabbarlı rolu ilə başlayıb. Bir neçə Mozalan kinojurnalında çəkilib. 1978-ci ildə Əməkdar artist, 2005-ci ildə Xalq artisti adına, Prezident Mükafatına layiq görülüb. 2016-ci ildə isə Azərbaycanın Respublikası Prezidentinin fərdi təqaüdünə layiq görülüb.
Xalq artisti Ağaxan Salmanlının kino sahəsində yaratdığı bir çox obrazlarla xalqın yaddaşlarda unudulmaz izlər buraxmışdı.Sənətkarın çəkildiyi filmləri sizlərə təqdim edirik:
İstintaq davam edir (1966, tammetrajlı bədii film) – filmi səsləndirən (milis nəfəri) Axırıncı aşırım (1971, tammetrajlı bədii film) – aktyor Tülkü həccə gedir (1971, animasiya filmi) – filmi səsləndirən (tülkü) Ulduzlar sönmür (1971, tammetrajlı bədii film) – aktyor
1001-ci qastrol (1974, tammetrajlı bədii film) – aktyor (musiqiçi)
Pıspısa xanım və siçan bəy (1974, animasiya filmi) – filmi səsləndirən (canavar)
Alma almaya bənzər (1975, tammetrajlı bədii film) – filmi səsləndirən (Haşım-Əhməd Əhmədov)
Arxadan vurulan zərbə (1977, tammetrajlı bədii film) – filmi səsləndirən (Kazımov-Nicat Bəkirzadə)
Ötən ilin son gecəsi (II) (1983, tammetrajlı bədii film) – aktyor
Ordan-burdan (1987, tammetrajlı film-tamaşa) – aktyor (Bayram bəy)
Alman klinikasına şəxsi səfər (1988, tammetrajlı bədii film) – aktyor
Bəxtin min bir oyunu (1998, qısametrajlı film-tamaşa) – aktyor
Nigarançılıq (1998, tammetrajlı film-tamaşa) – aktyor (Məşədi Səfər)
Güllələnmə təxirə salınır!… (2002, tammetrajlı bədii film) – filmi səsləndirən (“yetim” Paşa-Ayşad Məmmədov)
Ərazi (2005, qısametrajlı bədii film) – aktyor
Daşatan (2009, qısametrajlı bədii film) – aktyor
Bizim jek (2010, bədii serial) – aktyor
Mürafiə vəkillərinin hekayəti (2011, tammetrajlı film-tamaşa) – aktyor (Ağa Bəşir)
Vəkil hanı? (2011, tammetrajlı bədii film) – aktyor (Zəki)
Cavanlıq (2012-2013, bədii serial) – aktyor (Sakit)
Ağ-qara gecələr (2013, tammetrajlı bədii film) – aktyor
Qorxma, mən səninləyəm! 1919 (2013, tammetrajlı bədii film) – aktyor (balıqçı)
Axırıncı dayanacaq (2014, tammetrajlı bədii film) – aktyor (Süleyman)
Cırtdan və sehirli xalat (2016, animasiya filmi) – filmi səsləndirən (sehrli xalat)
