Azadsöz.az xəbər verir ki, bu gün Göyçay rayonunun 5 saylı tam orta məktəbin şagirdləri Göyçay Bayraq Muzeyində olublar.
Göyçay Bayraq Muzeyinin direktoru Aqil İbrahimov şagirdlərə muzeydə yer alan Azərbaycan xanlıqlar dövrünün xəritəsi, orta əsrlərə aid döyüşçüləri əks etdirən manekenlər, orta əsrlərdə xanlıqların istifadə etdiyi bayraqlar, XIX əsr Azərbaycan şəhərlərinin gerbləri, qədim metal sikkələr, kağız pullar, Azərbaycan Xalq Cümhuriyyəti, Azərbaycan SSR və müstəqillik dövrlərində qəbul edilmiş gerblər, bayraqlar, Azərbaycanın konstitusiyası , Silahlı Qüvvələrimizin müxtəlif qoşun birləşmələrinin geyim formaları, poçt markaları, orden və medallar haqqında ətraflı məlumat verib.
Qeyd edək ki, Bayraq Muzeyinə baxış sosial izolyasiya qaydalarına uyğun keçirilib.